САРСЕМБАЕВ Марат Қабиұлы (шығармашылықтағы есімі Марат Каби) фантас-жазушы. Әлем халықтары жазушылары одағының мүшесі.
Қаламгер (26.12.1965) Ресей Федерациясындағы Омбы (Омск) қаласында туған. Әйелі екі баласы бар. 1991-ші жылы Омбы Мемлекеттік университетін тарих және қоғамтану пәні бойынша тәмамдаған. 1991-1995 жылдары Обмы облысына қарасты Горький ауданының Белсенді ауылында тарих сабағынан дәріс жүргізген.
Қошқари Ибрагим Пайзоллаұлы, ғалым, аудармашы, жазушы. Әлем халықтары жазушылары одағының мүшесі.
ҚХР Түркология қоғамының мүшесі, ШҰАР Жазушылар одағының мүшесі. ШҰАР Аудармашылар одағының мүшесі. Қазақстанның үздік Мәдениет қайраткері. Ф.Тэйлор атындағы алтын медальдің иегері. И.П.ҚОШҚАРИ 18.03.1945 ж. ҚХР, ШҰАР Жеменей ауданында туылған. 1966 жылы Шинжяң университетінің филология факультетін бітірген. 1968-1970 жылдары Қытай армиясының 7994 әскери бөлімі студенттер ротасының старшинасы болып қызмет атқарды.
Кенжалиева Гүлжанат Абатқызы, педагог-жазушы. Әлем халықтары жазушылары одағының мүшесі.
Қаламгер 1963 жылы 12 тамызда Қызылорда облысының Қармақшы ауданында дүниеге келген. 1985 жылы С.М.Киров атындағы Қазақ мемлекеттік университетінің филология факультетін бітірген. Бүгінде Қызылорда қаласындағы №7 орта мектептің қазақ тілі мен әдебиет пәнінің жоғары санатты мұғалімі. «Самал желпіген селеу» атты өлеңдер мен әңгімелер жинағының, әнші-ақындардың шығармашылығы жайлы «Ақын.Сазгер.Әнші» атты әдістемелік және «Сөзжұмбақтар» атты мектеп оқушыларына арналған әдістемелік жинақтарының авторы.
Киямжан Закиров, ақын. Әлем халықтары жазушылары одағының мүшесі.
Қаламгер 1935 жыл 15 мамырда Төлеби ауданы, Жаңғақты ауылында дүниеге келген. Киямжан Омарұлы рта білімді Киров (Әл-Фараби) атындағы мектепте алып, 1956 жылы Ташкент Мемлекеттік шет тілдер педагогика институтына оқуға түсті. 1961 жылдың тамыз айынан бастап, институттың жолдамасымен Өзбекстан Республикасының Андижан қаласындағы орта мектепте мұғалім болып екі жыл істеді.
Айтутихон Режаметова, ақын, публицист. Әлем халықтары жазушылары одағының мүшесі.
Қаламгер 1955 жылы 19 наурызда ОҚО Сайрам ауданы, Қарабұлақ ауылында дүниеге келген. Ауылдағы Хамза атындағы мектепте оқып, Ташкент мемлекеттік университетінің филология факультетін тәмамдаған. А.Режаметова 1975 жылы Қарабұлақ ауылындағы Фурқат атындағы мектепке мұғалім болып орналасады. Білім ордасында ұзақ жылдар сүбелі еңбек етіп, жоғары санатты мұғалім дәрежесіне көтерілді.