Құдайберген Қашқынбайұлы Өрісбаев, Әлем халықтары жазушылары одағының мүшесі.
Марқұм ағамыз академик-ғалым, ақын, сазгер әрі ұстаз, Еңбекшіқазақ ауданының және Алматы облысының құрметті азаматы еді. ҚР Мәдениет саласының үздігі. Қаламгер 1937 жылы шілде айының 16-шы жұлдызында Алматы облысы, Шелек ауданындағы (қазіргі Еңбекшіқазақ ауданы) Қызылжиде ауылында (қазіргі Сабаншы би ауылы) дүниеге келген.
Бейсен Аханов, ақын, жазушы. Әлем халықтары жазушылары одағының мүшесі. Халықаралық жазушылар одағының мүшесі.
Өлеңді бала кезден серік еткен қаламгердің "Қалбатау қызғалдақтары", "Көңіл толқыны", "Жылдар сыры" атты өлеңдер мен поэмалар жинағы және "Батырдың ұрпақтары" атты тарихи-танымдық хикаяты жарық көрген. Асқаралы 65-ті бағындырған ақынның қаламы әлі де жүрдек, жазары мол десек артық айтқандық емес.
Шәненов Келтір Мағұрыпұлы, жазушы-шежіреші, өлкетанушы, Әлем халықтары жазушылары одағының мүшесі.
Қаламгер қолы қалт еткен сәттерде ата-бабалар тарихы мен шежіресін зерттеуді, өлке тарихы туралы жәдігерлік деректерді жинақтап, оны жеткіншек ұрпаққа мұра етіп қалдыруды өзіне басты мақсат санайды. 2006-шы жылы «Жеменей Адай, Кедей (Нұрмағанбет) ұрпағы» атты тарихи шежіре кітабы баспадан шықты. Келтір Мағұрыпұлы 2010 жылы «NOBEL» баспасынан шыққан «Бекет Ата» имандылық-тағылым кітабының 4-ші басылымының 4000 данасына қаржылай демеушілік жасаған меценат тұлға.
Қонақбай Қожаниязұлы Саттаров, ақын, журналист, публицист. Әлем халықтары жазушылары одағының мүшесі.
Қаламгер 1964 жылғы 2 қараша күні туған. 1982-1986 жылдары Қазақтың Абай атындағы педагогикалық институтының филология факультетінде білім алған. Өлеңдері республикалық баспасөзде жарияланып, 1984 жылы «Жалын» баспасынан жарық көрген «Аудитория» жинағына енген. 1985 жылы шығармашылық жастардың республикалық «Жігер» фестивалінің дипломанты. Ташкенттен шығатын қазақ тіліндегі «Нұрлы жол» республикалық газетінде, «Жас қазақ үні», «Дала мен Қала» газеттерінде қызмет атқарған.
Валерий Дмитриевич Поволяев, жазушы, журналист, суретші. Ұлты орыс. КСРО, Ресей жазушылары одағының және Әлем халықтары жазушылары одағының мүшесі.
Мәскеудегі Өнер қызметкерлері орталық үйі Пресс-клубының және Ресей спорт әдебиеті Федерациясының төрағасы, Ресей Федерациясының еңбек сіңірген өнер қайраткері. КСРО және Ресей Федерациясының мәдениет қайраткері. Орыс географиялық қоғамының, Халықаралық ақпараттандыру академиясының, Орыс ауыз әдебиеті академиясының мүшесі.