Гүлнәр Шәмшиева

Гүлнәр Шәмшиева, ақын, сазгер, журналист, Әлем Халықтары Жазушылары Одағының мүшесі.

Қаламгер 1958 жылы Түркістан облысы, Түркістан қаласында туған. Түркістандағы әл-Фараби атындағы мектепте оқып жүргенінде алғашқы өлеңдері мен мақалалары аудандық, облыстық және республикалық баспасөздерде жариялана бастаған. Киров атындағы (қазіргі әл Фараби) ҚазҰУ-дың журналистика факультетін тәмамдағаннан кейін Қазақ радиосының Атырау облыстық филиалында, республикалық «Ақжелкен», «Парасат» журналдарында, «Шалқар» радиосында ұзақ жылдар еңбек етті. 1994 жылы Қазақстан Жазушылар Одағына мүше боп қабылданып, сол жылы Қазақстан Жастар Одағы сыйлығының лауреаты атанды. 10 өлеңдер жинағы, 2 прозалық кітабы жарық көрген, елуге тарта танымал әндері Қазақ радиосы мен телеарналардан жиі орындалып келеді.

Сәнді Ақылай

Cәнді Ақылай, ақын, сазгер, ұстаз, Әлем Халықтары Жазушылары Одағының мүшесі.

Қаламгер 1972 жылы Алматы облысындағы Балхаш ауданына қарасты қасиетті Қараой ауылында дүниеге келген. Орта мектепті тәмамдағаннан кейін, жоғары білім алып, ұзақ жылдар ұстаздық жолында жемісті еңбек етіп келеді. Осы жылдар ішінде ол өзіне ақындық пен сазгерлікті өмірлік серігіне айналдырды. Қарапайым ұстаздың қаламынан өрген өлеңдер алғашында аудандық, облыстық газеттерде, кейіннен республикалық “Үш Қоңыр”, “Қазақ Әдебиеті” газеттері мен журналдарда, интернет веб-сайттары мен әлеуметтік желілерде ұдайы жарияланып келеді.

Толығырақ...

Фатима Забурақызы

Фатима Забурақызы Жүнісова, ақын, жазушы, журналист, Әлем Халықтары Жазушылары Одағының мүшесі.

Қаламгер 1965 жылы, 13 Қарашада Түркістан облысы, Созақ ауданы, Созақ ауылында дүниеге келген. 1983 жылы Созақ орта мектебін тәмамдап, С.М.Киров атындағы (қазіргі әл-Фараби атындағы) ҚазҰУ-дың журналистка факультетіне оқуға түсіп, 1989 жылы бітірген. Қазақстан Журналистер Одағының мүшесі. Республикалық «Замана» газетінде редактор болып еңбек еткен. Бүгінгі таңда «Zavur-medıa» баспа үйінің бас директоры. Республикалық «Әйел құпиясы» және «Әйел денсаулығы» газеттерінің бас редакторы әрі құрылтайшысы.

Толығырақ...

Бексұлтан Нұржекеұлы

Бексұлтан Нұржекеұлы, жазушы, публицист, Қазақстандағы Әлем Халықтары Жазушылары Одағының мүшесі.

Қаламгер 1941 жылы 22 ақпанда Алматы облысы Жаркент қаласының маңында (бұрынғы Талдықорған облысының Октябрь ауданында) дүниеге келген. Орта мектепті бітіргеннен кейін, «Көктал» қой совхозында жұмысшы болып істеп, 1965 жылы Қазақ мемлекеттік университетінің филология факультетін тәмамдаған. 1965–1969 жылдары аралығында қатардағы мектеп мұғалімінен Панфилов аудандық комсомол комитетінің бірінші хатшысы, 1969–1972 жылдары Қазақстан ЛКЖО Орталық Комитетінің нұсқаушысына дейінгі жоғары қызметтер атқарған.

1972 жылы «Жалын» альманахы проза бөлімінің меңгерушісі, 1973–1976 жылдары «Жұлдыз» журналының бөлім меңгерушісі болды. 1976–1979 жылдары «Жалын» баспасы бас редакторының орынбасары, бас редакторы, 1989–1992 жылдары «Парасат» журналының бас редакторы болды.

Толығырақ...